Edhe në Shqipëri është reaguar për herë të parë pas shfaqjes së mutacionit të ri të COVID-19 që u ka përfshirë Britaninë e Madhe.
Qendrimi ka ardhur nga drejtori i Komunikimin në zyrën e Kryeministrisë, Endri Fuga.
Duke shpresuar se ky variant i ri i COVID, nuk do e bëjë rezistent ndaj vaksinës, Fuga shkruan se ky është një tregues se në betejën kundër këtij virusi duhet një vaksinim universal.
“Shpresojmë që mutacioni i ri nuk do ta bëjë COVID-19 rezistent ndaj vaksinës ekzistuese. Por është një kujtesë kundër egoizmit kombëtar.
Vendet e fuqishme mund të blejnë të gjithë dozat e vaksinës pa lënë asgjë për pjesën tjetër, por ja që një mutacion i vogël mund ta bëjë të gjithë përpjekjen të padobishme.
Vaksinimi universal është një domosdoshmëri”, shkruan Fuga në postin e tij në rrjetin social.
/a.r
