Vëllezërit Budina u rikthehen protestave, u bashkohen vetëm 15 veta

Vëllezërit Budina dhe grupi i tyre, iu janë rikthyer protestave të përdishtme, me 10-15 veta.

Pas dështimit të planit me adoleshentët, me sa duket Meta dhe Basha kanë nxjerrë sërish në skenë vëllezërit Budina, të cilat kanë rikthyer sërish në skenë çështjen e Teatrit Kombëtar.

“Pavarësisht se teatri kombëtar u rrëzua me ne brenda, ishte arsyeja që kryeministri të legjitimohej. Nisur nga ky precedent, pretendojmë se edhe kjo që po ndodh sot, jemi të bindur që me këmbënguljen tonë dhe duke i treguar shqiptarëve që po jetojmë në diktaturë dhe duke u thënë që japim shembullin tonë që të sensibilizohen dhe kur të vijë dita, t’ia tregojnë me votë.

Në cdo rrugicë, shitet kollaj fare drogë dhe policët nuk janë aty, por këtu për të na ndaluar neve. Ky drejtor policie me të cilin Shqipëria ka njohur periudhën më të errët, është një polici politike që është e interesuar për protestat.

Shikoni si një ish- ministër i Brendshëm që denigron policinë. Ne do të vijojmë me protestat tona se ka të bëjë dhe me denoncimin e shumë aferave korruptive të Teatrit Kombëtar dhe do të bëjmë ndjekje penale të policëve që prekën artistët.

Ish ministri që mendon se ka dalë jashtë fokusi, është në fokusin tonë se ishte ai që shembi Teatrin Kombëtar. Protesta jonë nuk është thjesht fizike, por edhe institucionale sepse të drejtat e njeriut po shkelen”, thotë Robert Budina, që falë protestave të tij, “meritoi” edhe të drejtën për të qenë kandidat i PD-së për zgjedhjet e ardhshme./Tema/