Nëna e 39-vjeçares që u vra nga kunati në Paskuqan me zë të dridhur dhe lot në sy tregon tmerrin që përjetuan mbrëmë dhe si 30-vjeçari i vrau vajzën. Ajo thotë se ai i preku damarët dhe më pas e qëlloi me levë duke e lënë të vdekur.
“E vrau me levë punë sekondash, nuk lëngoi. Isha tromaksur, mua ai më hodhi në tokë. Komshinjtë erdhën të shkretët kur bërti, por kishte mbaruar. Ti presësh damarët e duarve dhe ta çash te thonjtë, të mos mbarojë robi, ajo 30 kg ishte. Bir nëna bir për gocën time, janë tharë lotët e nënës, që ka punuar tërë jetën në fabrikë“.
Ndërkohë Report Tv raporton se policia ka pasur një kontakt me autorin e krimit edhe përmes vëllait që ndodhet në burg që po negocion për ta dorëzuar, por Erdet Çapoku nuk ka pranuar.
Ai është kapur nga kamerat e sigurisë së bizneseve pranë pallatit duke dalë me shpejtësi, ndërsa më pas ka humbur gjurmët. Origjina e familjes është nga Përmeti, ndërsa prej disa vitesh ishin zhvendosur në Tiranë me banim.
g.kosovari
