Alberti, vëllai i Herman Geringut, ministrit të plotfuqishëm të Rajhut dhe shefit të padiskutueshëm i aviacionit gjerman gjatë Luftës së Dytë Botërore, ka shpëtuar qindra hebrenj dhe disidentë politikë.
Dhe jo vetëm kaq.
Disa zëra mbështesin faktin se ai ka qenë djali i një hebreu, i lindur nga një marrëdhënie jashtëmartesore e nënës së tij.
Për të hedhur dritë për këto fakte, BBC do të transmetojë një dokumentar, të mërkurën e ardhshme, me rastin e Ditës së Kujtesës.
Këtë temë e trajtoi edhe gazeta online izraelite ”Times of Israel”.
”Mauzoleu i Kujtesës në Jeruzalem ka pranuar sjelljen pozitive të Albert Geringut ndaj hebrenjve duke ndihmuar disa persona”, thotë ”Times of Israel”.
”Megjithatë nuk ka prova të mjaftueshme, për shembull të ashtuquajturat burime parësore, që të tregojnë se (Albert Geringu – shën. i përkth.) ndërmori rreziqe të mëdha për të shpëtuar hebrenjtë nga deportimi apo nga vdekja”, nënvizon ”Times of Israel”.
