Gledis Nano është emëruar ditën e sotme Drejtor i Përgjithshëm i Policisë së Shtetit pasi paraardhësi i tij Ardi Veliu dha dorëheqjen.
Nano është betuar vetëm para pak minutash ndërsa ministri i Punëve të Brendshme Bledi Çuçi u shpreh se ai do ta ketë shumë të vështirë punën, për shkak të “niveleve ku ka arritur performanca e policisë së shtetit.”
Gjatë fjalës së tij, Çuçi foli me superlativa për punën e bërë në këto katër vite nga Ardi Veliu. Sipas tij, ish-drejtori i Policisë së Shtetit e ka çuar policinë në nivelet më të mira që ajo ka pasur në 30 vite të tranzicionit.
“Zoti Gledis Nano do ta ketë shumë të vështirë edhe për shkak të performancës së lartë ku ka arritur Policia e Shtetit. Fjalët e tjera do t’ja lëmë kohës dhe punës që vetë Gledisi do të dëshmojë gjatë ushtrimit të detyrës. I uroj punë të mbarë dhe siç e tha drejtor Ardi, asnjë Drejtor apo ministër i Brendshëm nuk mund të ketë sukses pa angazhimin e të gjithë ju këtu e atyre që punëojnë në çdo cep të Shqipërisë“, tha Çuçi.
g.kosovari
