Një skenë e pazakontë ka ndodhur gjatë prezantimit të projektit të ri për liqenin artificial nga ana e kryetarit të Bashkisë Erjon Veliaj. Gjatë fjalës së këtij të fundit, anëtari i djathtë i këshillit bashkiak, Leonard Olli i është afruar Erjon Veliaj dhe i ka ndërprerë fjalën.
Olli ishte i shoqëruar me disa banorë romë, të cilët banojnë në një pjesë të liqenit artificial. Ky i fundit ka replikuar me kreun e bashkisë Erjon Veliaj.
Replikat
Erjon Veliaj: Një park që ka nevojë për gjelbërim dhe jo në një park që ishte gropë septike.
Leonard Olli: Urime për fjalën me aksion me goditje të përqënrduar.
Veliaj: Besojmë të gjelbërimi, jo për banjo. Nëse doni banjo e keni përballë.
Olli: Ju po dhunoni sot me dhunën e fadromave.
Veliaj: Që pastrohet qyteti i thoni dhunë? Qyteti do të gjelbërohet, dashnorët e zhulit të shkojnë te SHQUP.
Olli: E keni gabim, unë do ju kërkoj diçka, un ju dhashë dorën ju përgëzova por respektoni të drejtën minimale të jetesës dhe banesës.
Veliaj: Dhe fëmiëjt tuaj do të luajnë te Liqeni.
Olli: Lërini fëmijët, po diskriminoni njerëzit. Bashkia e Tiranës është zhytur në një zhul moral dhe politik.
Veliaj:. Edukata mësohet në shkollë dhe nuk kam sesi tëta mësoj. Kishit 4 vjet kohë dhe e bëtë qytetin zhul. Surprizë më të bukur për të treguar diferëncën mes shpellës dhe qytetit nuk mund të kishte.
Më pas këshilltari i djathtë Leonard Olli është larguar nga skena ku po prezantoheshin projektet për parkun e liqenit.
