Kryetari i Bashkisë së Tiranës, Erion Veliaj, dhe ministri i Ambientit, Energjisë dhe Ndryshimeve Klimatike në landin e Saksonisë së Poshtme, Stefan Wenzel, shëtitën të dielën me biçikletë në rrugët e kryeqytetit.
Në një postim në Facebook, Veliaj informoi se takimi mes tyre po zhvillohet në rrugët e Tiranës, ku edhe zyrtari gjerman u njoh me investimet e kryera nga bashkia e Tiranë.
“Ministri gjerman Stefan Wenzel dhe unë, ishim të lodhur nga mbledhjet në zyrë. Kështu që vendosëm që takimin ta bënim në një shëtitje me biçiklet në Tiranë”, shkruan kryebashkiaku Veliaj.
Përfundimi, vijon ai postimin e tij: më shumë korsi për biçikletat, tarraca jeshile dhe më shumë bashkëpunim me Gjermaninë.
