Erion Veliaj ka nisur punën në krye të Bashkisë së Tiranës ku kanë nisur edhe ndryshimet e para, që siç e quan ai janë rikthim në punë i një kryeqyteti që për 4 vjet ishte në gjumë. Por pasi rregulloi Sahatin e Tiranës, pezulloi lejet e ndërtimit si dhe nisi restaurimin e Monumentit të Pavarësisë, radhën e ka tabela e vendosur tek Stacioni i Trenit në Tiranë, ku thuhet “Bllokuar nga Rama”.
Është vetë Veliaj i cili e konfirmon këtë fakt duke theksuar në Twitter se kjo do të jetë ajo që do të bëjë sot për t’i rikthyer fytyrën kryeqytetit.
Qytetarët ku i kanë kërkuar kryebashkiakut të ri se si do të procedohet me tabelën.
Erion Veliaj i është përgjigjur:”Ikën sot”.
Kujtojmë këtu se tabela u vu nga administrata “Basha”, për të treguar bllokimin e projektit të bulevardit nga kryeministri Rama.
