• Kontakt
  • Kreu
  • Rreth Nesh
Saturday, November 14, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kryesoret

Veliaj: Rikthehet linja e trenit në Tiranë, me tren hibrid

by Java News
09/11/2018 13:35
Shperndaj ne FacebookShperndaj ne Twitter

Tre vitet e fundit Njësia 9 ka përjetuar disa nga investimet dhe projektet më të mëdha transformuese për Tiranën, duke nisur nga sheshi “Skënderbej”, për të vijuar me Bulevardin e Ri e deri te Bregu i Lumit. Në bashkëbisedimin e djeshëm me banorët e Njësisë 9 për Buxhetin 2019, kryebashkiaku Erion Veliaj dhe ministrja e Shëndetësisë dhe Kujdesit Social, Ogerta Manastirliu u shprehën të entuziazmuar për të gjitha ndryshimet e ndodhura, sidomos ato infrastrukturore, të cilat do të vijojnë me të njëjtin ritëm edhe vitin tjetër.

Veliaj tha se investimet në këtë njësi kanë nisur nga qendra e deri në periferi, aty ku Bregu i Lumit ka ndryshuar plotësisht pamjen e sot është një realitet krej tjetër. “Fakti që kemi kaluar tre stinë vjeshte dhe dimri pa përmbytje, do të thotë se problematika me lumin e Tiranës është si ‘përrallë nga e kaluara’”, tha ai. Sipas tij, është drejt përfundimit edhe një nga investimet më të rëndësishme për qytetin, projekti i Bulevardit të Ri. “Bulevardi i Ri ka pësuar ndoshta transformimin më të madh në këto 3 vite; jemi thuajse afër fundit, na ka ngelur vetëm sheshi fundor, ku jemi duke punuar aktualisht”, tha Veliaj. Edhe pse nuk ka përfunduar ende, shumë prej institucioneve dhe kompanive ndërkombëtare kanë shprehur interes që të zhvendosen aty, për t’i dhënë një zhvillim të ri kryeqytetit.

Lajmi i mirë jo vetëm për Njësinë 9, por për gjithë kryeqytetin, është edhe vendimi i qeverisë shqiptare për rivendosjen e linjës së trenit, pikërisht në ish stacionin e vjetër. “Lajmi i mirë që na erdhi nga Edi dhe Damiani është se do t’i rikthehemi trenit të Tiranës, aty ku ka qenë stacioni i trenit. Risia është se do të kemi një tren elektrik në Tiranë. Kemi zgjedhur një tren hibrid, i cili do të punojë me karburant pasi lë Tiranën, por sa hyn në Tiranë, do të punojë me energji elektrike”, shpjegoi Veliaj.

Një tjetër lajm fantastik për njësinë është projekti për transformimin e Bulevardit “Zogu I”, në një zonë të dedikuar për turistët. “Ambicia jonë është që Bulevardi “Zogu I”, nga ish-Stacioni i Trenit deri tek Sheshi “Skënderbej” të transformohet në një rrugë shopingu, siç kemi bërë me pjesën e Pazarit të Ri; për këtë do të rregullojmë të gjitha fasadat, do ta zgjerojmë akoma më shumë trotuarin, do të kemi 4 sheshe dhe 4 ‘piaceta’. Do të jetë një nga rrugët më të bukura në Tiranë, pa dalluar shumë nga Bulevardi i Ri”, theksoi kryebashkiaku i Tiranës.

Njësia 9 është një nga zonat që do të përfitojë edhe nga projekti për ndërtimin e rrethrrotullimit “Shqiponja”, duke përmirësuar ndjeshëm qarkullimin e makinave. Puna pritet që të fillojë edhe për rehabilitimin e një prej blloqeve më të njohur në kryeqytet, që kufizohet nga rrugët “Mine Peza”, “Fortuzi”, “Zogu I”, “Haxhi Hysendalliu”, “Asim Vokshi”. Veliaj shtoi se këto investime dhe projekte transformuese nuk do të ishin bërë nëse qytetarët nuk do t’i jepnin besimin Partisë Socialiste. Ndaj, ai kërkoi që kjo mbështetje të vijojë, si e vetmja mënyrë që investimet të mos ndalen.

“Kur të vijë koha e zgjedhjeve, duhet me e pyet opozitën: – Ore ku ishit ju? Kemi bërë shumë, imagjinoni sa shumë mund të bëjmë nëse PS do të ketë shumicën dërrmuese në Këshillin Bashkiak. Që punët të ecin pak më shpejt na duhet të na jepni votat për PS, siç keni bërë për kandidatin. Nëse doni një provë, shikoni rezultatet e zgjedhjeve: Këtë vit na duhet ta mendojmë thellë. Nuk na duhet një votë për kryetarin, kur nuk kemi votën për këshillin. Ndaj, nëse duhet ta bëjmë tamam këtë punë, duhet votë për kryetarin dhe votë për PS në Këshillin Bashkiak, si një e vetme”, tha Veliaj.

Krahas përmirësimit të infrastrukturës, një vëmendje të shtuar Bashkia e Tiranës i ka kushtuar edhe mbështetjes për ata që kanë më shumë nevojë për përkujdesje dhe përkrahje. Teksa solli shembullin e vizitave mjekësore okulistike falas edhe nga mjekë amerikanë, në disa prej qendrave sociale të Bashkisë së Tiranës, Veliaj theksoi e pavarësisht se ka ende punë për të bërë, shërbimi i mbështetjes sociale dhe ai shëndetësor janë transformuar tërësisht.

“Në qendrat tona sociale kemi nisur një shërbim të ri, kontrollin e syve dhe syzet falas për të moshuarit. Më vjen mirë që sot kemi 7 qendra sociale dhe do të vazhdojmë t’i shtojmë ato. Pashë disa qindra qytetarë të cilët, ose janë me ndihmë ekonomike ose pensionistë, që marrin shërbime falas me aparatura dighitale, për kontrollin e syve. Për këta qindra qytetarë, kryesisht në moshën e tretë, është një bekim i jashtëzakonshëm”, nënvizoi ai, teksa siguroi se kjo nismë do të vijojë në të gjitha qendrat sociale të Bashkisë së Tiranës.

Duke folur për shëndetin, Veliaj u bëri thirrje qytetarëve që të minimizojnë përdorimin e automjeteve dhe përdorimin e mjeteve alternative, të cilat shkaktojnë më pak ndotje e për pasojë përmirësojnë cilësinë e jetës në qytet. “Pjesa më e madhe e problematikës po na vjen nga makinat. Sipas OBSH-së, fëmijët janë më të predispozuar të thithin të gjitha grimcat që dalin nga marmita e makinës. Ndaj, i jam shumë mirënjohës Edi Ramës, Ogertës, qeverisë sonë, shumicës socialiste, që votoi për herë të parë ligjin që ndalon vjetërsirat që vijnë nga Europa, me mbi 10 vjet përdorim. Për të marrë një makinë jemi gati që t’i fusim fëmijëve helm në mushkëri, por kjo nuk shkon”, deklaroi Veliaj, ndërsa bëri të ditur se Bashkia e Tiranës do të japë shembullin e para, duke futur autobusët elektrikë në transportin publik.

Në fjalën e tij, Veliaj u ndal edhe në përmirësimin e infrastrukturës së institucioneve të edukimit dhe arsimimit, ku Njësia 9 do të jetë përfituese e projektit për ndërtimin e shkollave të reja. Në këto tre vite ka pasur edhe një pasurim të jetës artistike dhe kulturore në kryeqytet, ç’ka ka bërë që Tirana të jetë një kandidate serioze që në vitin 2024 të jetë Kryeqyteti Europian i Kulturës.

Pjesë e planit për ruajtjen e kulturës është dhe projekti për kthimin në shtëpi muze të banesave të dy prej korifejve të letërsisë shqiptare, Ismail Kadaresë dhe Dritëro Agollit. “Shtëpinë e shkrimtarit të madh Ismail Kadare tashmë e kemi shpronësuar, pra e ka marrë bashkia për ta kthyer në një muze. Jemi të gatshëm ta bëjmë këtë edhe me familjen e Dritëroit, për t’u siguruar që ajo pjesë e Njësisë 9 përfiton edhe nga një zonë muzeale. Ne duam që ta rikonstruktojmë atë pallat dhe ta kthejmë në një vend të aksesueshëm sepse besoj që edhe njësisë i ka hije që një ndërtesë ikonë, ndërtesa e famshme e Maks Velos për të cilën ai u fut edhe në burg, sot ritransformohet nga bashkia dhe kthehet në një zonë muzeale”, përfundoi Veliaj.
/b.d

Next Post
Alarmohet Franca, “bum” agresionesh ndaj hebrenjve

Alarmohet Franca, "bum" agresionesh ndaj hebrenjve

Leave a Reply Cancel reply

Your email address will not be published. Required fields are marked *

TË FUNDIT

Shkëlzeni i lidhur me biznesmenin që do të ndërtojë kullën te Pallati i Kongreseve? Si përgjigjet Berisha

Shkëlzeni i lidhur me biznesmenin që do të ndërtojë kullën te Pallati i Kongreseve? Si përgjigjet Berisha

November 14, 2026
“Beteja” për kontrollin e Inteligjencës Artificiale, BE kërkon të sfidojë SHBA-të dhe Kinën

“Beteja” për kontrollin e Inteligjencës Artificiale, BE kërkon të sfidojë SHBA-të dhe Kinën

November 14, 2026
PS ndez motorët për zgjedhjet lokale, Balla: Kryetarët të mos i drejtojnë bashkitë nga Tirana

PS ndez motorët për zgjedhjet lokale, Balla: Kryetarët të mos i drejtojnë bashkitë nga Tirana

November 14, 2026
Pasi e ka quajtur “Mamica”, Berisha i jep ‘zemër’ Spiropalit: Më mirë vonë sesa kurrë…

Pasi e ka quajtur “Mamica”, Berisha i jep ‘zemër’ Spiropalit: Më mirë vonë sesa kurrë…

November 14, 2026
Dalin emrat e viktimave në aksidentin tragjik pranë tunelit të Murrizit

Dalin emrat e viktimave në aksidentin tragjik pranë tunelit të Murrizit

November 14, 2026
Xhafaj: Operacion ‘antiskifter’, grupe nga Laçi e Lezha të përfshirë në vjedhje jashtë vendit!

Asambleja e PS/ Xhafaj kërkon një shans të dytë për Spiropalin dhe Ndrecën: Të mos përjashtohen, por…

November 14, 2026
“Veliaj i ka duart e lidhura”, çfarë tha Rama për përjashtimet sot në Asamblenë socialiste

“Veliaj i ka duart e lidhura”, çfarë tha Rama për përjashtimet sot në Asamblenë socialiste

November 14, 2026
Horoskopi ditor, e enjte 28 mars 2024

Horoskopi ditor për nesër, e Diel 15 Nëntor 2026

November 14, 2026
“Më erdhi një vezë irlandeze” / Rama rrëfen incidentin në Dublin: Policia i tha shqiptarit “Mos lëviz”, shqipja ngriu në vend…

“Më erdhi një vezë irlandeze” / Rama rrëfen incidentin në Dublin: Policia i tha shqiptarit “Mos lëviz”, shqipja ngriu në vend…

November 14, 2026
Reforma Zgjedhore, Berisha ftesë partive opozitare: Të bashkohemi kundër Ramës! Lista plotësisht të hapura dhe një zonë e vetme kombëtare

“Rama e zgjodhi Demon sepse është i aftë të kryejë çdo krim”/ Berisha: PS, më kriminale se të burgosurit e Peqinit

November 14, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In