Kryetari i Bashkisë së Tiranës, Erion Veliaj, përmes një postimi në rrjete sociale deklaron se falë punës së jashtëzakonshme për rehabilitimin e skarpateve të lumit të Tiranës, janë shmangur përmbytjet në Njësitë 4, 8, 9 dhe 11, duke shpëtuar dhjetëra familje.
Ky investim siç thekson Veliaj ka rritur vlerën e pronës në zonë.
“Dje lumi i Tiranës merrte përpara ç’të gjente në Njësitë 4, 8, 9 dhe 11, aq sa uji përmbyste edhe shtëpitë e Rr. “Siri Kodra”. Sot i kemi harruar ato pamje, falë punës së jashtëzakonshme që kemi bërë për rehabilitimin e skarpateve të lumit, duke larguar çdo ndërtesë pa leje brenda shtratit të lumit, për t’i dhënë Tiranës një super investim që ka shpëtuar nga përmbytja dhjetra familje, por edhe i ka shtuar vlerën e pronës”, shkruan ai.
