Kryebashkiaku Erion Veliaj ka publikuar një foto pikante nga Tirana gjatë fillimit të viteve ’90, kur filloi edhe lulëzimi i ndërtimeve pa leje dhe kaosi urban. Në foton e realizuar nga një prej fotografëve më të njohur austriak Robert Pischler shihet gropa e Ajdin Sejdisë, që u kthye në simbol të paligjshmërisë. Veliaj thekson se opozita e tanishme kur ishte në pushtet ishte kail ta kthente të gjithë qytetin në gjiriz, veç për një grusht votash, ndërsa siguron se një gjë e tillë nuk do të ndodhë kurrë më.
““Urban Pool”. Një foto e Tiranës nga Robert Pischler në zenitin e qeverisjes SHQUP-ore të kryeqytetit. Kur i referohem “partisë së shpellës” kam parasysh lehtësinë e papërballueshme me të cilën janë kail ta kthejnë qytetin në gjiriz veç për një grusht votash! #NeverAgain”, shkruan Veliaj
Publikimi i kësaj fotoje vjen në një kohë kur militante të PD-së po protestojnë në zonën e Unazës së Madhe për mbrojtjen e ndërtimeve pa leje dhe penguar projektin e zhvillimit të kësaj nyjeje tepër të rëndësishme për qytetin.
ma.me
