Kandidati i mazhorancës për Bashkinë e Tiranës Erion Veliaj ka vijuar turin e tij të dëgjesave me qytetarët.
Në fjalën e tij Veliaj, tha se kjo e tij për zgjedhjet lokale, është një fushatë e të rinjve. Ai bëri prezantimin me 10 pika të programit të tij për të rinjtë, duke u shprehur se Shqipëria duhet të largohet nga modeli i Gërdecit dhe i filmave hollivudianë i Shkëlzen Berishës.
“Në këtë fushatë ne po punojmë me dy modele, modelin e Marias, që me punë, djersë dhe sakrificë i hapen dyert e jetës dhe modelin ku gjërat arrihen se je djali i babit kryeministër. Pikërisht ky është modeli i Shkëlzenit, ku “Hollyëood”-i po bën një film për të dhe Gërdecin, ku u vranë 26 njerëz dhe u pasuruan disa të tjerë. Pikërisht këtu ndahen pikëpamjet tona. Ne duam që të rinjtë dhe njerëzit të dalin në jetë përmes punës, ndërsa ata po përpiqen të na tregojnë se po i shtype njerëzit dhe po i vrave, bëhesh i famshëm. Megjithatë, ne kemi modelin tonë që është drejtimi i duhur”. Tha Veliaj
Më pas Veliaj shtoi se siguria në shkolla do të jetë prioritet për bashkinë e re dhe se bizneset e reja do të mbështeten në nismat e tyre.
1. Themelojmë Këshillin e të Rinjve
2. Buxheti për rininë
3. Karta e të Rinjve dhe Studentit
4. Shkollat si Qendra Komunitare
5. Nxisim sipërmarrjet rinore
6. Rrisim sigurinë në Shkolla
7. Inkubatori i Biznesit
8. Ekipet sportive dhe kampionatet mes shkollave
9. 6 Qendra Rinore
10. Do të rikthejmë RINFEST-in
