Kryebashkiaku i Tiranës ka përuruar një cerdhe në kryeqytet, atë për banorët e Kodër Kamzës, e cila quhet Kësulkuqja. Veliaj tha se njësoj si dhe emri që mban kjo çerdhe, ashtu qe dhe historia e saj, ku për 4 vite rradhazi nuk u bë asgjë për rehabilitimin e ambienteve të saj, kohë kur në krye të bashkisë ishte Lulzim Basha.
“Ashtu siç ka edhe emrin, më vjen mirë që historia e kësaj çerdheje të ndërtuar që në vitin 1955, përfundon si përralla e Kësulëkuqes: pas 4 viteve në ‘barkun e ujkut’, çerdhja vjen si histori suksesi për gjithë banorët e Kodër-Kamzës”, tha Veliaj
Kreu i Bashkisë së Kryeqytetit ka theksuar po ashtu se me investimin prej 28 milionë dollarëve për këtë çerdhe, kujtohet edhe Dita e Lumturimit të Nënë Terezës, duke bërë diçka për të vegjëlit e Tiranës.
“Ky është një investim rreth 28 milionë lekë, duke mundësuar një nga çerdhet më moderne sot në Tiranë. Më vjen mirë që nisma “Adopto një çerdhe” përkoi po ashtu, edhe me javën e solidaritetit, ku duam të përkujtojmë ditën e Lumturimit të Nënë Terezës, jo me fjalime, por me vepra konkrete në komunitet. Të gjithë ata që kontribuuan duke mbështetur këtë nismë, tregojnë se ne jemi pasardhës të shenjtores, jo me fjalë, por me vepra konkrete”, tha Veliaj, teksa falenderoi bizneset e zonës që kontribuuan në rikonstruksionin e çerdhes.
Veliaj shtoi se me anë të nismës “Adopto një çerdhe” kanë përfunduar e 31 çerdheve në qytetin e Tiranës.
