Ministri ende në detyrë i Mirëqënies Sociale dhe njëkohësisht edhe kandidati i mazhorancës për bashkinë e Tiranës Erion Veliaj iu përgjigj akuzave të PD lidhur me eksodin e shqiptarëve në kohët e fundit.
Në fjalën e tij në Kuvend Veliaj i qëndroi deklaratave të tij se numri më i madh i të larguarve është në komunat e drejtuara nga PD, duke treguar madje se në këto komuna nuk jepen ndihmat ekonomike.
Sipas Veliaj në njësitë numër 4 dhe 11 në kryeqytet dhe në komunat Shishtavec, Topojan, Zapot ë qarkun e Kukësit prej të paktën 3 muajsh nuk jepet ndihma ekonomike qëllimisht. Një tjetër shembull sipas ministrit është edhe komuna Shalë në Shkodër e cila ka një vit pa shpërndarë ndihmën ekonomike në një kohë që paratë janë në bankë.
Në këtë kuadër, Veliaj shtoi se PD synon të pengojë shpërndarjen e ndihmës ekonomike me qëllim që të nxitet eksodi i shqiptarëve.
“Njësia numër 4 dhe 11 ka 3 muaj që nuk jep ndihmën ekonomike. Kjo njësi drejtohet nga Partia Demokratike. Shishtavec, Topojan, Zapot. Sa i përket këtyre komunave. Pse nuk i thërret kryetarët dhe t’i thoni jepni ndihmën ekonomike. Pse nuk i merrni në telefon tani që të japin ndihmën ekonomike. Paratë janë në bankë, por komuna nuk mblidhet se është në protestë. Por kryefjala është komuna Shalë në Shkodër që ka 1 vit pa dhënë ndihmën ekonomike. Erdhëm dhe gjetëm nga kryetari e Bashkisë Kamëz njerëz me dyqane e vila që merrnin ndihmë sociale.” u shpreh Veliaj
Redaksia Online
(Javanews.al)
