Kryetari i Bashkisë së Tiranës, Erion Veliaj, tha se PD dhe LSI nuk duan të zhvillohen zgjedhje në 30 qershor sepse janë të tmerruar nga vota e qytetarëve. Veliaj deklaroi se Lulzim Basha e kishte 4 vjet Bashkinë e Tiranës dhe nuk bëri asnjë punë.
“Prandaj nuk duan të hyjnë në zgjedhje. Vota është arma jonë më e mirë, për gjithçka kemi bërë në 4 vjet. Kurse ata i tmerron ideja që njerëzit zgjedhin lirshëm, i tmerron ideja që njerëzit duan të foskutohen te hallet e tyre, jo tek hallet e politikanëve, i tmerron ideja që njeëzit kanë vendosur të jetojnë këtu, jo të marrin një pasaportë dhe të ikin në Hollandë dhe Austri. Ndaj, e gjithë kjo përpjekje bëhet kundër votës. Më tregoni një shkollë që bëtë në 4 vjet? Asnjë! Sigurisht, se fëmijët tuaj i keni jashtë vendit”, tha Veliaj.
