Bashkia e Tiranës, në bashkëpunim me Ministrinë e Arsimit, ka organizuar sot pasdite një cermoni me rastin e hapjes së vitit të ri shkollor 2015-2016, me 100 nxënësit më të mirë të Tiranës.
Ministrja e Arsimit, Lindita Nikolla, deklaroi se “do të kthejmë bursat e ekselencës për nxënësit më të mirë”.
Kryetari i Bashkisë së Tiranës, Erion Veliaj, në fjalën e tij tha se “shumë gjëra kanë ndryshuar për mirë këta dy vjet falë ministres së Arsimit, Lindita Nikolla dhe gjithë ekipit që po punon për arsimin, por ca gjëra nuk kanë ndryshuar dhe nuk kanë ndryshuar mentalitetin. Nuk ka ndryshuar ende mentaliteti, pasi njerëzit nuk pyesin si je me mësime, por nga je, apo si e ke mbiemrin. A thua se mbiemri, apo prejardhja, apo raca, kanë më shumë rëndësi se kush je ti në të vërtetë. Dhe në fakt ne vazhdojmë të themi se kush je dhe unë besoj se për këtë mentalitet sado të përpiqet ministria e Arsimit apo qeverisë, nuk do ta ndryshojnë, sepse ka të bëje me kulturën. Kjo është arsyeja që ne e hapnim këtë vit shkollor duke patur një pritje dhe një ceremoni për të vlerësuar 100 nxënësit më të mirë të Tiranës”.
“Në një qytet ka asete, rrugë, kanalizime, ndriçime, por unë mendoj se aseti me i madh janë njërëzit, aseti më i mirë janë nxenësit e Tiranës. Strategjia më e mirë është të ndërtojmë qytetin e të ardhmes dhe jemi të gjithë bashkë këtu për t’ju ftuar të bashkëpunojmë. Infrastruktura më e rëndësishme është investimi modest për bursat e ekselencës për nxënësit dhe studentët më të mirë. Dhe fotografitë tuaja tashmë do të jënë në reklamat e qytetit, sepse Tirana ka 100 nxenesit e studentët më të mire, ndaj kemi pse të krenohemi e për kë të investojmë”, tha Veliaj.
Ai theksoi disa nga projektet që ai dhe bashkia kane propozuar si, rikthimi i bursave në 4 vitet e ardhshme, ndërtimi i një këshilli bashkiak rinor me 61 anëtarë të përzgjedhur nga gjimnaze e universitete etj.
