Mungesa e ndriçimit dhe rrugët e shkatërruara, në të cilat nuk është vënë dorë prej vitesh, ishin dy nga shqetësimet që banorët e Laprakës i bënë prezent kandidatit të koalicionit të majtë për Bashkinë e Tiranës, Erion Veliaj. Gjatë një ecje në lagjen e Laprakës, njësia nr. 11, në kryeqytet, Veliaj kërkoi mbështetjen e qytetarëve për t’i ndryshuar fytyrën Tiranës e për ta çuar atë në drejtimin e duhur në 21 qershor.
“Ndriçimi është zero në të gjithë Laprakën. Gratë lëvizin në errësirë”, tha një banore, e shqetësuar për mungesën e ndriçimit në atë zonë.
“Po të ishin fondet do të ishte bërë edhe rruga, edhe ndriçimi. Por, kemi dy mundësi: o të qajmë hallin e këtyre që poi kin, ose të fitojmë bindshëm dhe t’i bëjmë punët vetë, siç i kemi bërë edhe në qeveri”, u përgjigj Veliaj, i cili u kthye për herë të dytë në njësinë nr.11.
