Kandidati i mazhorancës për bashkinë e Tiranës, Erion Veliaj ka prezantuar sot programin për shërbimet sociale. Në fjalën e tij, para banorëve në “Don Bosko”, Veliaj shpalosi disa nga pikat e rëndësishme ku do të mbështet ky projekt, ndërsa theksoi se brenda 100 ditëve të qeverisjes së tij në krye të bashkisë do të shpërndahen 385 banesat sociale e lënë peng për 4 vite me radhë.
“Ne duhet të shpërndajmë brenda 100 ditëve të para banesat sociale, pasi kemi ende njerëz që flenë në rrugë, ndërsa bashkia ka banesa që flenë bosh. Pas kaur vitesh pritjesh dhe situatë rrugësh, do të zhbllokojmë këtë nonsens, për t’u dhënë këtyre familjeve të jetojnë në mënyrë dinjitoze. Ne nuk mund ta zgjidhim këtë problem duke shpërndarë 385 banesa.”, tha Veliaj.
Nga ana tjetër, Veliaj tha se dhe ndërtimet e bëra pa leje, apo shtesat, do të përdoren për njerëzit në nevojë, ndërsa nuk nguroi të përmendte dhe Shkëlzen Berishën, të cilin e akuzoi për marrje haraçesh. “Ne ato ndërtimeve pa lejë, do i përdorim për banesat sociale. Sesa të paguajnë haraçin tek Shkëlzenit dhe SHQUPI, më mirë ta kalojnë këtë fond për banesat sociale. Do kemi mirëkuptimin dhe të sipërmarrësve. Më mirë banesa sociale për qytetin, sesa korrupsion për SHUQPin. 3 menca sociale për shtresa në nevojë, ndaj duhet të marrim si shembull Francës. Do bëjmë të mundur që shumë supermarkete të dhurojnë në fund të ditësh ushqimin e pashitur. Ka mundësi që gjithë ky ushqim i pashtiur. Do hapim 5 qendra ditore për të moshuarit. Do garantojmnë aksesin në të gjithë Tiranën për njerëzit në nevojë.”, tha Veliaj.
Pikat e programit të kujdesit social:
1. 3 mensa sociale për të ofruar ushqim falas për shtresat në nevojë, në partneritete publike private;
2. 5 qendra ditore për të moshuarit.
3. Program Riintegrimi Social përmes të cilit do t’u ofrohet punë në shërbim të komunitetit qytetarëve që përfitojnë Ndihmë Ekonomike;
4. Garantim i aksesit në institucionet publike në Tiranë për Personat me Aftësi të Kufizuar;
5. Program i posaçem për Mbrojtjen dhe Kujdesin për Fëmijët në Situatë Rruge;
6. Shpërndarje brenda 100 ditëve e të gjitha banesave sociale;
7. Hartim i një politike të mirëfilltë për strehimin social.
