Për herë të parë pas 25 vitesh, Shëngjergji që njihet si bastion i Partisë Demokratike, ka votuar kandidatin e majtë, Erion Veliaj, për kryebashkiak të Tiranës.
Pas njësisë nr. 8, ku Veliaj fitoi me mbi 300 vota, edhe komuna e Shëngjergjit ka votuar në shumicë për Veliaj.
Nga numërimi i të gjitha kutive në këtë komunë, kandidati i së majtës ka mundur t’i japë për herë të parë fitoren të majtëve.
Sipas KQZ-së, ai ka mundur të marrë 692 vota kundrejt 674 votave që ka marrë kandidati demokrat, Halim Kosova.
Shëngjergji i është përgjigjur kështu tendencës së përgjithshme të shënuar në këto zgjedhje në Bashkinë e re të Tiranës, për të votuar kandidatin e majtë.
Në total, duket se Veliaj ka siguruar një fitore të thellë në kryeqytet, duke u votuar në shumicë në të 24 njësitë e Tiranës
