Kryebashkiaku i Tiranës Erion Veliaj, i pyetur nga gazetarët në Open në Top Channel se si ndihet ai në një garë pa rivalë, ka shpërthyer në akuza për kundërshtarët e tij politikë.
“Më hanë duart të bëja peshk Saliun dhe Lulin, se e kanë shkatërruar këtë qytet. Po të jetë për mua , do merrja dy më të fortët e tyre, kupolën e tyre dhe do i bëja copë. Fëmijët i tyre i kanë çuar jashtë me shkolla, kurse fëmijët e shqiptarëve i nxjerrin nëpër protesta”, tha Veliaj.
Erion Veliaj ka folur edhe për çështjen e përgjimeve deklaroi se nuk i bashkohej histerisë për çështjen e përgjimeve dhe shtoi se janë futur duart në materiale, por deklaroi që askush nuk ka mbrojtje politike për askënd nëse ka thirrje.
Veliaj tha se ka një selektim të qëllimshëm të publikimit të përgjimeve por thelbi është se si Kryeministri ashtu edhe Partia Socialiste nuk ka penguar hetimet./l.m
