Kandidati i mazhorancës për Bashkinë e Tiranës, Erion Veliaj, ka vijuar sot turin e takimeve me qytetarët. Ditën e sotme ai është ka zhvilluar bashkëbisedim me familjet e vjetra tiranase.
Duke folur për fëmijërinë e tij në lagjen ku është rritur, Veliaj është ndalur edhe tek puna e tij si ministër i Mirëqenies, duke i cilësuar tiranasit bashkëpunëtorët e tij më të mirë.
“Ne duhet të krijojmë dhomën e zejeve të Tiranës, të atyre që ruajnë traditën e Tiranës, ata që janë zejtarë të vjetër dhe familje zejtarësh, apo që kultivojnë tek rinia çirakërinë e ruajtjes të traditës së Tiranës. Është e pabesueshme që nuk kemi një bashki ose një institucion që të mbështesë bashkë me Shoqatën Tiranës hapjen e një muzeu permanent, ku ne mund të kemi një stacion turistik të Tiranës”, theksoi Veliaj
“Tiranasit i njoh në marrëdhëniet e punës, e gjatë punës time në Ministrinë e Mirëqenies, janë ndër bashkëpunëtorët më të mirë. Tironcit e vërtetë janë ata që më shumë u flet puna sesa guna. Është privilegj i veçantë të marr bekimin tuaj”, u shpreh Veliaj.
