Në prag të 4 Shtatorit, aksionit vullnetar për pastrimin e kryeqytetit, Kryetari i Bashkisë së Tiranës Erion Veliaj ka zhvilluar sot një mbledhje me 24 administratorët e Bashkisë për të prezantuar masat që do të merren.
Në fjalën e tij Veliaj ftoi të gjithë qytetarët që të bëhen pjesë e këtij aksioni të paralajmëruar, pasi siç theksoi ai, Tirana ka nevojë jetike për pastrim. Me këtë aksion Veliaj tha se synohet të rritet ndërgjegjësimi qytetar dhe jo taksat.
Më tej ai shtoi se do të kryhen edhe sondazhe për kompanitë dhe punën e tyre, ku qytetarët do të japin mendimin e tyre për ndërmarrjet dhe se si kanë pununar për pastrimin e qytetit.
“Është shumë larg ambicies që unë kam për qytetin. Teksa përgatitemi për 4 shtatorin të ndaja përgjegjësitë për secilin. Kompanitë e pastrimit: punë serioze në këto ditë, zhbllokuam pagesat, kishin 8 muaj kanë marrë pagesat për të paktën 2-3, e di që ka shumë qytetarë që thonë e paguajmë taksën e pastrimit pse të dalim në aksion vullnetar? Se jemi shumë mbrapa me pastrimin. Taksa modeste 450 lekë që paguan cdo familje krahasuar me punën e madhe që duhet nuk është në përputhje. Nuk do të rrisim taksën por kontributin qytetar. Për kompanitë e pastrimit aksioni është 24 orë atë ditë, për qytetarët nga ora 9 vetëm për disa orë. Sondazh në lagjet e tiranës për aksionit, do i themi kompanisë se cfarë note i kanë vënë qytetarët. Pronarë të kontratave të pastrimit janë qytetarët jo bashkia, pasi është një ndërmjetës. Do të shohim mendimin e qytetarëve cdo muaj, nëse kontratat duhen rinovuar, cdo kompani që vlerësohet nën mesatare nuk do të ketë mundësi për kontratë tjetër. Letër personale për ti ftuar për pastrimin, do doja të ishin aktiv në cdo rrugë në cdo lagje në cdo shkallë. Të dini që tani që do keni përgjegjës për pastrimin e lagjes. Në shkolla kopshte dhe cerdhe duhet një pastërti maksimale, Ushtria ka përgatirur një flotë, të keni parasysh rrugët kryesore, të ecësh në Tiranë duket si një qyetet i pushtuar nga mbeturinat. Fokusin kryesor ta kishit në ambientet publike. Ndërmarrjet e bashkisë do të fillojnë punë me mua në mesnatë.” theksoi Kryebashkiaku
Sa i përket gjobave për urnimin buzë Lanës, Veliaj nënvizoi se nesër do të ketë një mbledhje tjetër ku do të shqyrtohet propozimi për 4-fishim të gjobave për këta persona. Për kryebashkiakun, edhe në gjobat e vëna është vënë re se ky fenomen nuk synon marrjen e parave nga qytetarët, por rritjen e kulturës dhe të ndërgjegjësimit të tyre.
“Do të propozoj rritje të sanksioneve për ndotësit në mbledhjen e nesërme të këshillit. Në disa raste do ti kërkoj këshillit ti katërfishojnë gjobat. Në lanë mezi kemi kapur një sot, do të thotë se po funksionon, tani nuk kemi ndërmend të ndal;imi por të ecim me të pestin. Për atë 1 % që ndot do të katërfishojmë gjobat. Nga 172 gjoba që kemi vënë 171 janë paguar cash në moment, nuk bëhet fjalë për njerëz që nuk kanë para në xhep por deficencë me kulturën qytetarë dhe jo me financat.” u shprej Veliaj
