Kryetari i Bashkisë së Tiranës, Erion Veliaj, ishte sot i pranishëm në konferencën “Shërbimi social dhe punët sociale” që u zhvillua në Fakultetin e Shkencave Sociale.
Gjatë fjalës së mbajtur Veliaj premtoi se bashkia do të mbështesë punonjësit social.
“Do të doja të ndaja me ju disa ide. Më vjen mirë që nga lista e studimeve që pashë reflektohen shumë nga gjërat që janë kthyer në politika konkrete në Shqipëri. Pashë një punim për punonjësit socialë në nivelin e bashkive. Më vjen mirë që shumë prej prej këtyre studimeve janë kthyer në gjëra konkrete. Pse e them këtë? Sepse ka një dallim mes implemetimit dhe politikëbërjes apo strategjisë. Ndaj, bashkia do te mbeshtese punonjesit sociale, pasi ata jane implementuesit me te mire te politikave sociale” –tha Veliaj.
Më tej, kryebashkiaku i kryeqytetit Veliaj theksoi si mjaft të rëndësishme sipërmarrjet private nga ana e të rinjve, duke shtuar se kreativiteti mund t’i japë zgjidhje shumë problematikave.
“Unë besoj se një bashki si e jona nuk mund t’i përballojë të gjithë, por të githë ne mund të bëjmë diçka për banorët që kanë nevojë. Kreativiteti mund t’I japë zgjidhje më shumë problematikave. Ndaj, është shume e rëndëishme
sipërmarrja, idetë e të rinjve për të zhviluar vendin, sepse me dixhitalizimin, numri i punonjësve në shtet do të vijë duke u pakësuar”, tha Veliaj.
