Kryetari i Bashkisë së Tiranës, Erion Veliaj, deklaron se vazhdon puna për lirimin e hapësirave publike nga ndërtimet, inertet dhe kthimi i tyre në vende çlodhëse për qytetarët dhe fëmijët e kryeqytetit.
Kryetari i Bashkisë së Tiranës, Veliaj, nëpërmjet statusit të tij në rrjetin social Facebook mesditen e të premtes, shprehet: “Lirojmë hapësirat publike, pastrojmë inertet dhe mbjellim pemë. Më shumë se një projekt, qytetarët duan të bukurën”.
Kryebashkiaku Veliaj sjell një set fotosh nga puna për lirimin e hapësirave publike nga pastrimi, punimi, nivelimi dhe mbjellja e pemëve si shembulli më i mirë për të patur një qytet për qytetarët.
