Në Komisionin për Edukimin dhe Mjetet e Informimit Publik ishte thirrur sot në seancë dëgjimore për çështjen e Teatrit ministrja e Kulturës Mirela Kumbaro.
Por në komision ishte paraqitur edhe kryebashkiaku Veliaj. Drejtuesja e seancës, deutetja e PD Albana Vokshi ka kërkuar nga Veliaj të dalë jashtë pasi nuk ishte thirrur. Ndërkohë, mazhoranca pretendon se janë 11 deputetë që kanë firmosur që Veliaj të jetë në seancë.
Pas kësaj kërkese ka plasur debati i ashpër mes tyre. Pas Vokshi ndërpreu një herë seancën, më pas deputeti i PD Flamur Noka u afrua dhe tentoi ta nxjerrë me forcë Veliajn. Aty u afruan edhe deputetët e tjerë dhe për disa minuta brenda sallës mbizotëroi kaosi.
Në fund Veliaj u largua dhe të njëjtën gjë bëri edhe ministrja Kumbaro. Më pas, seancën e braktisën edhe deputetët e mazhorancës në komision./a.m.
