Debati midis Veliaj dhe Kosovës as sonte nuk u arrit. Ftesa e Veliajt nuk mori përgjigje nga Kosova.
Veliaj i ftuar në emisionin “Top Story” të Sokol Ballës, ka rrëfyer sërisht me krenari se në vegjëlinë e tij ka shitur fiq, pasi nevoja ekonomike e detyronte.
Duke folur mbi ironinë që Dr.Kosova bëri më shitjen e fiqve të Veliajt kur ishte fëmijë, Veliaj tha se modeli i tij është puna e ndershme dhe jo e kundërta.
Për të bërë krahasimin e modeleve kandidati i majtë u ndal te shembulli i “predhave e plumbave” nga njëra anë dhe puna e ndershme siç është dhe shitja e fiqve nga ana tjetër. Me këtë krahasim Veliaj nënkuptoi djalin e ish-kryeministrit Berisha, Shkelzenin i cili është akuzuar për ngjarjet e Gërdecit.
“12 vjeç kam shitur fiq në pamundësi për të mbijetuar.
Historia ime është tipike e një djali të viteve ’90 në Shqipëri.
Nuk kam shitur predha.
Nuk dua të jem si Shkëlzeni. Jam krenar për modelin tim edhe pse më tallin. Modeli im është i të ardhmes së Shqipërisë.”, tha Veliaj.
Veliaj tha se të jesh i varfër nuk ëshët turp, ndaj nesë do ishte në kushtet e zgjedhjes midis fiqve, qyfyreve dhe predhave, do zgjidhte atë që kishte bërë edhe kur ishte fëmijë dhe i varfër, fiqtë.
“Megjthatë jam i gatshëm që edhe sot të shes fiq se sa të këpus mufka si Halim Kosova”, tha Veliaj.
Sa i përket faktit nëse Veliajn e ka pritur Dr.Kosova kur ka lindur, ai e mohoi duke thënë se ka qenë Valbona Bushati që e ka sjellë në jetë.
