Kandidati i mazhorancës për Bashkinë e Tiranës Erjon Veliaj ka zhvilluar ditën e sotme një takim me të rinjtë e kryeqytetit, e fundit në postin e tij si Ministër i Mirëqënies Sociale.
Në fjalën e tij Veliaj falenderoi të gjitha organizatat rinore në të gjithë vendin, duke u shprehur se produkti që ato kanë dhënë është fantastik.
I pyetur nga të rinjtë se cila do të jetë fushata që do të zgjedhë pasi është sulmuar nga opozita, Veliaj nënvizoi se gjuha e baltës nuk do të jetë zgjedhja e tij, por puna dhe pozitiviteti
“Fushata do jetë pozitive. Une nuk do përdor kurrë gjuhën e baltës e shpifjes por vetëm punë dhe pozitivitet. Unë besoj tek pozitiviteti dhe energjia pozitive.” tha ai
Nga ana tjetër, ai ka shtuar se kryeqyteti ka nevojë për sa më shmë ambiente publike dhe qendra për të rinjtë, si dhe sa më pak lokale dhe tallava. Në këtë kuadër, Veliaj theksoi se kreativiteti dhe idetë e të rinjve janë ato që i duhen Tiranës por edhe të gjithë Shqipërisë.
“Dua të falenderoj organizatat rinore që nga Saranda në Shkodër. Produkti i tyre është fantastik. Por ajo që kanë nevojë të rinjtë sot është sa më shumë ambiente publike dhe qendrar për të rinjtë. Mjaft më me lokale dhe tallava. Unë besoj se kreativiteti dhe idetë e të rinjve janë ato që i duhen Tiranës dhe Shqipërisë.” tha në fjalën e tij Erjon Veliaj
Ndër të tjera Ministri Veliaj duke folur nga qendra rinore e Tiranës, u ka bërë thirrje të rinjve që të angazhohen në politikë si dhe në shoqërinë civile.
“Angazhohuni në politikë dhe në shoqërinë civile. Bëhuni më të mirët. Praktikat nga fondi i nxitjes së punësimit kanë dhënë mundësi për të rinjtë.” tha Veliaj
Ky është edhe takimi i fundit i Veliajt si ministër me të rinjtë, pasi pritet që të dorëzojë postin për të iu përkushtuar kandidaturës së tij për kreun e bashkisë së kryeqytetit.
Redaksia Online
(Javanews.al)
