Kryetari i Bashkisë së Tiranës, Erjon Veliaj ka zhvilluar paraditen e kësaj të hëne një takim me përfaqësues të shoqërisë civile.
Në fjalën e tij, Veliaj ka premtuar por edhe kërkuar më shumë angazhim për ruajtjen e një ambjenti të pastër në kryeqytet, i cili ndër vite ka rënë pre e ndotjes. Ai ka ftuar qytetarët që të bëhen pjesë e aksionit për pastrimin e Tiranës më 4 shtator.
“Duhet të kufizojmë liritë e atyre njerëzve që uzurpojnë dhe të vendosim edhe gjoba për të ruajtur ambjentin në Tiranë”, tha Veliaj.
Veliaj ka folur edhe për gjobat që po aplikon bashkia për ata që ndotin qytetin. Ai tha se këto gjoba janë vërtet të rënda, por kjo ndodh prej faktit se Tirana është kryeqyteti më i ndotur në rajon.
Një tjetër pikë ku është ndalur kryebashkiaku ka qenë ajo e transportit urban, lidhur me të cilën ka premtuar pajisjen e qytetarëve me abone elektronike.
