Kryetari i Bashkisë së Tiranës, Erion Veliaj ka uruar të gjithë besimtarët katolikë për festën e Pashkës. Teksa ka uruar edhe komunitetin katolik, në Katedralen e Shën Palit, Veliaj ka thënë se fabula e Pashkës është shumë e bukur.
“Duam t’u urojmë të gjithë bashkëqytetarëve tanë të Tiranës por edhe të gjithë Shqipërisë, ata që janë katolikë, protestantë apo që kanë fqinjët e krishterë, gëzuar Pashkët. Fabula e Pashkëve është një fabul shumë e bukur dhe kumti i ringjalljes së Krishtit është kumti që drita e mund errësirën, puna e mund dhunën edhe që jeta e mund vdekjen. Ndaj dhe shpresoj dhe punoj për një qytet ku të gjithë bashkë të kemi më shumë jetë, më shumë dritë dhe më shumë punë. Mbarësi të gjithëve në familje dhe atyre që e festojnë sot, gëzuar dhe bekime”, u shpreh Veliaj. 
