Erion Veliaj, gjatë një dëgjese të dielën me banorët e Zall Bastarit, tha se bashkia aktuale la 6 muaj pa bukë personat me aftësi të kufizuar.
“Nuk i dhanë ndihmën ekonomike dhe tani duan që të marrin sërish votën. Njerëzit nuk janë budallenj dhe Shqipëria e ka zgjedhur rrugën: të gjithë do të shkojmë në drejtimin e duhur”, tha kandidati i mazhorancës së majtë për kryetar bashkie i Tiranës.
“Është më e vështirë të shkosh në Zallbastar sesa të shkosh në Vlorë apo Shkodër. Ata nuk bënë punë kur kishin gjthçka në dorë dhe nuk do të bëjnë tani kur thonë që nuk kanë gjë në dorë”, shtoi Veliaj./ Top Channel/
