‘Vejusha e Zezë’ nga Meksika, ka vrarë 180 burra
Liderja e një karteli droge në Meksikë, e njohur kryesisht, sepse i rrëmben viktimat e saj dhe i hedh trupat në pragun e shtëpive të familjarëve, është kallëzuar në polici nga i dashuri i saj, pasi ky i fundit i trembej ‘monstrës në të cilën ajo ishte shndërruar’.
Melissa ‘La China’ Calderon u cilësua nga partneri vrasës, Pedro ‘El Chino’ Gomez, , si ‘maniake dhe kontrolluese’ dhe akuzohet për 180 vrasje. Narkoja më e fuqishme meksikane është arrestuar të shtunën, pasi ‘El Chino’ shkëmbeu informacione me autoritetet, përfshirë këtu edhe vendndodhjen e varreve të saj të fshehta, në këmbim të një dënimi të shkurtuar.
30-vjeçarja u përsfhi në krimin e organizuar në 2005, kur nisi të punonte për kartelin Damaso. Ajo u rrit në detyrë shumë shpejt, falë vrazhdësisë dhe durimit, ndërsa në 2008 u bë komandante e forcave të armatosura të kartelit.
Pavarësisht dominancës maskiliste në botën e drogës, ajo impononte besnikëri tek punonjësit e saj dhe thuhet se shpërndante qese falas me kokainë për të gjithë ata që punonin mirë. Vrasjet në zonën ku jetonte ‘La China’ u trefishuan gjatë 7 viteve të fundit, kur ajo ishte në krye të vrasësve me pagesë. Tani Melissa dhe pjesëtarë të kartelit të saj, po përballen me akuzat e mbi 150 vrasjeve.
