Dy minuta që të ndryshojnë jetën përgjithmonë. Steve Sales, një 54-vjeçar i papunë nga Sutton i Anglisë, provon fatin me 1.4 sterlina dhe fiton një pasuri të tërë: 57.990 sterlina, rreth 70 mijë euro. Sales vuri bast për tre rezultate 7-0 në ndeshjet e Kupës së Ligës në Skoci dhe i gjeti të treja, me fitoren e Dundee kundër Forfar, të Inverness kundër Arbroath dhe të Ross County kundër Cove Rangers.
“Këto pará janë një vijë ndarjeje në jetën time”, thotë Steve. “Së pari do t’i dhuroj një udhëtim me kroçera nënës time. E meriton pasi i ka qëndruar për vite pranë babait tim, i sëmurë rëndë. Pastaj do të mendoj për fëmijët, më në fund mund t’u garantoj edhe atyre studimet dhe një të ardhme”.
Steve e pranon se nuk merr shumë vesh nga futbolli, sidomos nuk di asgjë nga ai skocez.
“E pranoj, ishte çështje fati. Përveç Celtic e Rangers nuk di as emrat e skuadrave skoceze”.
Shpirti i thjeshtë i fituesit del në dukje edhe kur tregon për dhuratën që do t’i bëjë vetes. “Ndonjë birrë me miqtë në pub dhe në rregull jam”, thotë Steve, një anglez tipik.
Gds/d.i.