Kërcënimet për vdekje dhe akuzat për racizëm, kanë qenë reagimet e para të të afërmve të një pacienti shqiptar ndaj mjekëve, pasi ai ndërroi jetë në një spital në Itali.
Ngjarja ka ndodhur në kardiokirurgjinë e “Vito Fazzi”, dhe është dashur ndërhyrja e policisë për të normalizuar situatën. Thuhet se punonjësit janë rrahur, shkelur, dhe mjekët ishin detyruar që të mbylleshin në një dhomë.
Shqiptari që ndërroi jetë do të bënte një operacioni në zemër, ai kishte një moshë të mesme, dhe nga operacioni kishte dalë me sukses.
Por, në një moment te dyte ndërsa ai ishte në gjumë, dhe sipas stafit ai po flinte dhe gërhiste, kur kanë arritur të afërmit e kanë gjetur atë të vdekur.
Menjëherë me të marrë lajmin e hidhur, ata kanë reaguar duke akuzuar stafin se: “ju nuk keni bërë kujdesin e duhur për shkak se ai ishte nga Shqipëria, në qoftë se do të ishte nga Italia nuk do të kishte vdekur”. Nga kjo premisë kanë ardhur të tjera britmat dhe kërcënime: “Sot ju nuk shkoni në shtëpi”, “Ju duhet të vdisni si vdiq babai im”.
Por, sipas raporteve fillestare, stafi i natës tha se ai ishte i qenë dhe se ndërhyrja u bë në mëngjes. Ata thanë se nuk kishte probleme. Sipas mjekëve asnjë prej tyre nuk kishte vënë re ndonjë shqetësim dhe se ka qenë në gjumë në momentin kur ai ka ndërruar jetë.
Dy punëtorë të rrahur nga të afërmit janë ankuar në polici, dhe spitali ka deklaruar që do t’i bëjë një autopsi trupit të viktimës, për të përcaktuar dhe shkaqet e ngjarjes së rëndë. /b.d
