Një aksident fatal në rrugën Palombarese mbrëmjen e 15 gushtit i ka marrë jetën një tjeter shqiptari.
Ai quhet Ergys Merhori, 29 vjeç, i cili rreth ores 3 të mëngjesit ka humbur kontrollin e nje makine “Dacia Lodgy” qe po drejtonte në kryqëzimin me rrugën e Shën Lucia, në komunën e Mentana, Romë.
Si pasoje, makina është përmbysur pasi u perplas me murin anesor te rruges.
I riu vdiq menjëherë ne vendin e ngjarjes.
Në vend, përveç ambulancës, shkoi edhe policia e Mentana, të cilët janë duke punuar për të rindërtuar dinamiken e aksidentit, raporton “Panorama”.
Tani për tani nuk dihet arsyeja pse djali ka humbur papritur kontrollin e makinës së tij.
Trupi i viktimës u transferua në Institutin e Mjekësisë Ligjore të Universitetit La Sapienza të Romës, ku do te kryhet edhe autopsia.
Djali jetonte në Saint Lucia te Mentana, jo shumë larg nga vendi i aksidentit.
Shumë mesazhe lamtumire janë postuar nga miqtë dhe të afërmit në profilin e tij në Facebook:
“U prefsh ne paqe vllai im qofsh i paharruar ne zemrat tona”, shkruan Indriti.
“U prefsh ne paqe miku im. Qofsh i xhenetit” shkruan Denis.
a.ç
