Mjeku i spitalit rus, ku u trajtua kritiku i Putinit, Alexey Navalny ka vdekur në rrethana të paqarta.
Sergey Maximishin, i cili ishte zëvendësmjeku kryesor i spitalit të urgjencës në Omsk, “papritmas” vdiq në moshën 55 vjeç, sipas një deklarate të lëshuar nga spitali.
“Me keqardhje, ju informojmë se … zëvendës mjeku kryesor për anesteziologji dhe reanimacion të spitalit të urgjencës nr.1, asistent i departamentit të Universitetit Shtetëror Mjekësor të Omsk, PhD i shkencave mjekësore, Maksimishin Sergey Valentinovich papritmas ndërroi jetë”, – tha spitali në një deklaratë, e cila nuk përmendte një shkak të vdekjes, raporton CNN.
Navalny fillimisht u paraqit në këtë spital më 20 gusht, pasi u sëmur nga ekspozimi ndaj lëndës Novichok në një avion, ku po udhëtonte nga Siberia në Moskë.
g.kosovari
