Një 72-vjeçar shqiptar nga Gjilani ka ndërruar jetë një ditë më parë në një dhomë hoteli. Mediat kosovare shkruajnë se ngjarja ka ndodhur pak kohë pasi i moshuari ishte futur në motel bashkë me një grua.
Pak orë pasi janë futur në motel, gruaja është larguar nga vendi, por është pikasur nga kamerat e sigurisë së ambientit. Ndërsa i moshuari është gjetur i pajetë në dhomë. Pasi e kanë gjetur, personeli i motelit ka lajmëruar policinë për të rapotuar ngjarjen e rëndë.
Detaje për rastin ka dhënë zëdhënësi i policisë rajonale në Gjilan, Ismet Hashani. “Është raportuar se është gjetur pa shenja jete një 72-vjeçar në një motel. Njësitë relevante kanë dalë në vendin e ngjarjes ku ekipi mjekësor e ka konstatuar vdekjen e viktimës. Me vendim të prokurorit trupi i pajetë është dërguar në IML për obduksion”, deklaron Hashani.
g.kosovari
