Fituesi i çmimit Nobel për Paqen dhe ish-drejtuesi i SDLP-së, në Irlandën Veriore, John Hume, ka ndërruar jetë në moshën 83-vjeçare.
Hume ka vdekur në orët e para të së hënës në një azil pleqsh, në Londonderry. Hume prej vitesh vuante nga dementia.
Një nga politikanët me profil më të lartë në Irlandën Veriore për më shumë se 30 vjet, Hume ndihmoi në krijimin e klimës që i dha fund “Troubles”.
Ish-mësuesi u bë i njohur gjatë Lëvizjes për të Drejtat Civile në 1968. Ai ishte një nga anëtarët themelues të Partisë Social Demokratike dhe Punës (SDLP) në 1970.
U bë udhëheqës i partisë në 1979, një post prej të cilit hoqi dorë në nëntor të 2001.
Hume është vlerësuar si një nga figurat më të rëndësishme në historinë e politike dhe një nga arkitektët e paqes në Irlandën Veriore. Përveç Çmimit Nobel, ai ka fituar edhe çmimin Gandhi dhe Martin Luther King, duke e kthyer në marrësin e vetëm të 3 çmimeve kryesore të Paqes.
Ish-liderit katolik nacionalist iu dha Nobel për Paqe në vitin 1998 së bashku me liderin protestant të Partisë Unionist Ulster, David Trimble, në njohje të përpjekjeve të tyre për gjetjen e një zgjidhjeje paqësore për 30 vitet e “Trazirave” që shkaktuan më shumë se 3 500 të vdekur.
Në prill 1998, një marrëveshje paqeje, ashtuquajtur si e Premtja e Shenjtë, u arrit në Belfast mes Londrës, Dublinit dhe partive protestante dhe katolike.
g.kosovari
