Manjati australian i muzikës Robert Stigwood, i cili ka menaxhuar këngëtarë dhe grupe të suksesshme është ndarë nga jeta në moshën 81 vjeçare, raporton Reuters. Robert Stigwood është një nga më meritorët për ngritjen e pop grupit Bee Gees, i cili e ka menaxhuar këtë grup në periudhën më të ndritshme të grupit, në vitet e ‘70-ta. Kurse ishte menaxher edhe i këngëtarit dhe kitaristit anglez Eric Clepton, transmeton Koha.net. Konfirmimin për vdekjen e tij e ka dhënë përmes Facebookut Spencer Gibb, i biri i anëtarit të grupit Bee Gees, Robin Gibb. “Do të doja të ndaja me ju lajmin e trishtueshëm, se kumbara im, dhe menaxheri i familjes sime, Robert Stigwood ka ndërruar jetë”, ka shkruar Gibb. Stigwood, ishte një nga njerëzit më të rëndësishëm në Broadway, duke prodhuar hitet “Hair” dhe “Jesus Christ Superstar”.
