Guy Hamilton, regjisori i katër filmave me Agjentin 007, është ndarë nga jeta në moshën 93-vjeçare.
Hamilton ishte regjisor i filmave “Goldfinger” dhe “Diamantet janë përgjithmonë” me Sean Connery në rolin e James Bonds, si dhe “Jeto dhe leri të vdesin” e “Njeriu me armën e artë”, me Roger Moore në rolin e 007.
Moore shkroi në Twitter se “viti 2016 qenka i tmerrshëm”, pasi mësoi vdekjen e regjizorit 93-vjeçar. “Pabesueshmërisht i trishtuar të mësoj vdekjen e regjisorit të mrekullueshëm Guy Hamilton”, shkrun Sir Roger.
Hamilton vdiq i shtruar në një spital në ishullin e Majorkës, ku jetonte.
