Klubi futbollistik Valencia ka thënë se një fans i tyre ka vdekur pas ndeshjes që ky klub zhvilloi ndaj Barcelonës të shtunën në Mestalla. Raportet nga Spanja thonë se fansi ka rënë pa ndjenja pas festimit të golit të barazimit nga Valencia. Santi Mina ka shënuar në minutën e 86-të për të nxjerrë kështu një pikë kundër liderëve të La Ligas para 55,000 fansave, raporton BBC.
Ishte kjo ndeshja e parë e Valencias që nga emërimi i trajnerit të ri, ish-mbrojtësi i Manchester United dhe i përfaqësueses së Anglisë, Gary Neville, transmeton Koha.net. Pas përfundimit të ndeshjes, skuadra lëshoi një komunikatë ku thuhej: “Valencia me keqardhje ka mësuar lajmin për vdekjen e një fansi pas ndeshjes në Mestalla të shtunën. Klubi u shpreh ngushëllimet më të thella familjes dhe më të dashurve të të ndjerit”.
