Në Milano të Italisë është gjetur pa jetë një endacak, i cili raportohet se kishte ngrirë nga i ftohti.
75-vjeçari Umberto Quintino Diaco u gjet në një masiv me kartonë, pranë stacionit të Porta Garibaldit në Milano.
Nuk dihen arsyet se përse ai kishte zgjedhur të bënte këtë jetë, kur sipas asaj që shkruajnë mediat në Itali ai kishte në llogari bankare një shumë prej 100 mijë eurosh, madje edhe pension 750 euro në muaj.
Sipas “Corriere della Sera”, ai kishte edhe një shtëpi në Kalabri dhe dy furgona në emrin e tij me siguracion të paguar, ndërsa në xhep kishte më shumë se 1 mijë euro.
“E kemi kërkuar por nuk ka dashur kurrë që ta gjenim”, thanë familjarët që u kontaktuan nga policia pas identifikimit të tij.
/a.r
