Vdes djali pasi u refuzua nga dy spitale, të dy prindërit i japin fund jetës
Prindërit e një fëmije indian të moshës 7 vjeçar, i cili ndërroi jetë në New Delhi për shkak të temperaturës së lartë i refuzuar nga dy spitale, u vetëvranë ditën e djeshme nga dëshpërimi. Ata u hodhën nga kati i tret i një ndërtese në jug të kryeqytetit.
Lajmi raportohet nga “The Indian Express”. Vogëlushi me emrin Avinash, ndërroi jetë më 8 shtatorin e kaluar pasi prindërit e tij u refuzuan që të shtronin fëmijën në dy spitale, në “Moolchad Medicity” dhe “Max Saket”. Pas dy refuzimeve i mituri u shtrua në “Batra Hospital”, në gjendje kritike, ku dhe ndërroi jetë. Një ditë pas djegies së kufomës së të voglit, babai Laxmichandra dhe nëna Babita u lidhën bashkë në duar dhe u hodhën nga godina. Ata lanë një letër pas ku shkruanin, “Nuk është faji i askujt. Është vendimi ynë”
