Një aksident i rëndë ka ndodhur ditën e djeshme në Itali.
Bëhet me dije nga mediat e huaja se si pasojë e aksidentit ka ndërruar jetë një shqiptar. Mësohet se viktima është një 42-vjeçar, identiteti i të cilit nuk është bërë i ditur.
Viktima ishte duke udhëtuar me makinën e tij kur u përplas me një kamion në Brescia. Si pasojë e përplasjes së fortë, 42-vjeçari shqiptar humbi jetën menjëherë. Automjeti i tij ishte shkatërruar tërësisht.
Shkaqet e aksidentit të rëndë nuk dihen, teksa policia nisi hetimet për të zbardhur dinamikën.
Në të njëjtën rrugë, disa minuta pas këtij aksidenti, një tjetër automjet u përplas me një kamion, por pa pasoja.
/e.d
