Gjatë ditës së djeshme humbi jetën në punë një minator në galeritë e Bulqizës.
I ndjeri është identifikuar si Kujtim Lili nga Klosi. 52-vjeçari punonte si zjarrmëtar një galeri private në Zonë të Parë në Bulqizë.
Minatori humbi jetën si pasojë e shpërthimit të lëndës plasëse, gjatë vendosjes së minave në front. Ndërkohë sot pas ngjarjes tragjike policia ka arrestuar drejtuesin teknik dhe brigadierin e minierës së kromit.
Bulqizë
Nga Specialistët për Hetimin e Krimit në Komisariatin e Policisë Bulqizë, u arrestuan në flagrancë shtetasit :
F. H., 50 vjeç, banues në Bulqizë, me detyrë Drejtues teknik i një subjekti minerar, B. T., 44 vjeç, banues në Bulqizë, me detyrë brigadier.
Arrestimi i tyre u bë pasi, nuk kanë marrë masa për zbatimin e sigurisë e të mbrojtjes së jetës e të shëndetit të punonjësve, si dhe nuk kanë ushtruar kontrolle për të siguruar vendin e punës, ku si pasojë në galerinë nr16, u aksidentua me pasojë vdekjen shtetasi K. L., 52 vjeç, që mbante detyrën e zjarrmëtarit.
/e.d
