Një ngjarje e pazakontë ka ndodhur në dyert e Gjykatës së Tiranës, ndërsa familjarët e mjekëve nën akuza janë përplasur me të afërmit e Doriana Hakës.
E ndjera është bashkëshortja e portierit të Partizanit, Alban Hoxha. Ajo humbi jetën pas lindjes së fëmijës duke shkaktuar një tragjedi për familjet Hoxha dhe Haka.
Burime nga Gjykata bëjnë me dije se sherri i sotëm ka ndodhur gjatë seancës së parë, teksa është vendosur për ndryshimin e ekspertëve. Ky veprim është kundërshtuar nga babai i së ndjerës, Enver Haka, duke degjeneruar situatën më pas në veprime të dhunshme.
Mësohet se sherri është shuar pas ndërhyrjes së policisië, ndërsa Enver Haka deklaron se po synohet të manipulohet procesi.
