Zbardhen detaje nga ngjarja e dhimbshme, kur një foshnje 15 muajshe mbërriti e pajetë në spitalin e Durrësit. Vajza e seksit femër ishte dërguar në spital tri ditë më parë, por ishte përcjellë nga mjekët, vetëm me mjekim për virozë.
Pas akuzave të bëra nga prindërit, që ia vënë fajin mjekëve për vdekjen e vajzës së tyre vetëm 15-muajshme ka ardhur reagimi i bluzave të bardha.
“Ajo kishte probleme me rrugët e frymëmarrjes. Fëmija ka ardhur në gjendje të mirë pa temperaturë, vetëm me bllokim të rrrugëve të frymëmarrjes. Mjekja nuk ka konstatuar asnjë shqetësim tjetër shëndetësor dhe prandaj ka rekomanduar prinderit ta marrin fëmijën në shtëpi dhe të qendronte nën kujdesin e mjekut te familjes. Sot morem informacionin se femija kishte nderruar jete”- tha ai.
Familja
Gazetari Leonidha Musaj raporton për Panorama se prindërit e kanë çuar foshnjën në spital tre ditë më parë për shkak të një virozë.
Familjarët akuzojnë stafin mjekësor pse nuk e shtruan foshnjen në spital, në kohën që ata e dërguan me urgjencë.
I pyetur nga “Panorama”, babai i foshnjes tregon se e kanë cuar tre ditë më parë në urgjencë.
“Morëm ilaçet dhe u larguam për në shtëpi. Vajza u përkeqësua gjatë dy ditëve të fundit”- thotë ai, duke hedhur akuza mbi mjekët.
Ai kërkon që të zbardhet e vërteta. “Ne duam të zbardhet e vërteta. Vajza mund të ishte shpëtuar nese do kishte kujdes mjekesor”- thotë Kujdesi Aga për “Panorama”.
Pasi ka kryer vizitën dhe ka marrë mjekimin, ata janë kthyer në shtëpi. Ndërkohë që sot foshnja ka ndërruar jetë.
Njoftimi i policise
“Më datë 18.04.2017, ora 02:30 ,në urgjencën e Spitalit Rajonal Durrës, ka shkuar pa shenja jete (shoqëruar nga prindërit) fëmija e seksit femër, me iniciale N.A. 15 muajshe, banuese në Fllakë, Durrës. Grupi hetimor po punon për përcaktimin e shkakut të vdekjes dhe zbardhjen e plotë të ngjarjes”, thuhet në njoftimin e Policisë.
c.a
