Policia italiane është pranë zbardhjes së ngjarjes së ndodhur dy muaj më parë në një pikë bastesh Eurobet në Liguria, ku dy shqiptarë mbetën të vdekur nga zjarri.
Më 2 nëntor 2015, rreth orës 3 të mëngjesit, Albert Jakupaj, Aranit Ismajlukaj dhe Mretjev Ismajlukaj tentuan të digjnin një pikë bastesh në sheshin Calvi në qytezën Liguria. Në tentativë e sipër, një nga kanaçet me benzinë që do përdoreshin për t’i vënë flakën lokalit, i shpërtheu Albert Jakupajt në dorë, duke e lënë atë të vdekur në vend, ndërkohë që u plagos shumë rëndë Aranit Ismajlukaj, i cili ndërroi jetë pak ditë më vonë.
Por policia italiane ka dyshime të forta se pronarët e kësaj pike bastesh kishin porositur shqiptarët në mënyrë që të bënin një atentat të rremë për vrasje që të përfitonin siguracion nga shteti.
Mediat italiane shkruajnë se janë arrestuar Michele Mucciolo dhe Alberigo Alessio , dy nga tre pronarët e pikës së basteve “Eurobet e Imperia”, shkatërruar në sulmin e 2 nëntorit 2015.
Në burg përfundoi edhe Mretiev Ismajlukaj, kushëriri i njërit prej dy shqiptarëve që ndërruan jetë. Kohët e fundit ky u lirua sepse vendosi të bashkëpunojë me hetuesit. Më shumë detaje priten në orët e ardhshme shkruajnë mediat italiane.
