Vdekja e vajzës fatkeqe shqiptare fillimisht i atribuohej vetëvrasjes, por dosja e çështjes hetimore po pasurohet me fakte të reja, siç është një video me lëvizjet e fundit të së miturës nga Shqipëria, video e regjistruar duke shkuar në kishë, atje ku edhe u gjet e vdekur.
U krijuan dyshime të forta, se lidhja me një polic grek, 27-vjeçar mund të ketë qenë shkak i vrasjes së saj.
Policia greke ka vënë nën vëzhgim një bashkatdhetar 30-vjeçar, të cilin e ndjera e takonte shpesh kohët e fundit, para vdekjes së saj misterioze.
Mediat greke shkruajnë se i riu shqiptar nuk është thirrur ende nga policia për t’u marrë në pyetje, por kjo pritet të ndodhë shumë shpejt, sepse, oficerët e policisë që merren me çështjen, së pari, presin të marrin lejen nga gjykata për të ndërhyrë tek bisedat telefonike të vajzës.
Nga dyshimet e forta,ata duan të dinë se me kë kishte bërë thirrje 16-vjeçarja dhe me kë kishte shkëmbyer sms nga telefoni i saj.
Hetuesit duan të zbardhin telefonatat që janë regjistruar në zonë nga mbrëmja e së martës, 14 korrik deri në orët e para të së mërkurës, 15 korrik, kur Maria fatkeqe u gjet e vdekur para kishës.
Sipas vlerësimeve të avokatit të familjes, Dimitris Samartzis, përgjigjet e para nga heqja e intimitetit të telefonit dhe “skanimi” i sinjaleve të telefonave të tjerë celular pritet të mërkurën ose të enjten.
“Është e rëndësishme të gjesh në fazën e parë të gjitha sinjalet e telefonisë celulare nga të gjitha kompanitë telefonike që transmetojnë në vendet ku u gjet 16-vjeçarja”, tha avokati.
Policia e konsideron gjithashtu të rëndësishme deklaratën e së ëmës, se në natën fatale që po kthehej në shtëpi nga puna, ajo dëgjoi ulërimat e një vajze që po luftonte me një burrë në sheshin Vouvis, afër kodrës, ku vajza e saj u gjet e vdekur. S
Siç deklaroi ajo, zëri dukej si ai i Marias, megjithatë nuk u interesua më tej pasi besonte se vajza ishte në shtëpi.
/a.r
