Kanë dalë pamjet dramatike të momentit, kur anija e rojes bregdetare turke godet atë të rojes bregdetare greke në Detin Egje më 13 shkurt, pranë ishujve Kardak, për të cilat dy shtete kanë mospajtime lidhur me sovranitetin.
Në videon që duket se është filmuar nga anija greke, dallohet momenti kur ajo turke mbërrin me shpejtësi dhe e godet me turirin e saj kuvertën e anijes helene. Kjo e fundit ndez motorët dhe largohet me shpejtësi të lartë dhe dallohen teksa disa marinarë bëjnë shenja me duar, ndoshta duke sharë palën turke për gjestin.
