Teksa Kruja është kthyer në një vatër të nxehtë të përhapjes së COVID-19, autoritetet kanë mbyllur 21 fasoneri në këtë qytet. Mësohet se në Krujë ka pasur 7 raste të reja mbrëmjen e djeshme, ku mes tyre kanë qenë 2 punonjës fasonerie e 5 kontakte.
Si rezultat i rritjes së infeksioneve dhe paralajmërimeve të forta për gjobitje dhe mbyllje të aktivitetit nëse do të kapen me shkelje 21 fasoneri sot e kanë mbyllur punën.
Pra janë 90% e fasonerive që kanë ulur qepenin në Krujë dhe Fushë Krujë. Hapur kanë mbetur vetëm 5 fasoneri me numër të vogël punonjësish ose ato që kanë lënë në shtëpi 95% të punëtorëve, pra janë me staf shumë të reduktuar.
g.kosovari
